Сегодня Воскресенье, 19 Ноября 2017 года

Школьнікі Брэсцкай вобласці праявілі сябе ў рэспубліканскім конкурсе «Чытаем па-беларуску з velcom»

У Беларусі працягваецца анлайн-конкурс «Чытаем па-беларуску з velcom». У гэтым годзе ініцыятыва праходзіць у фармаце рэспубліканскага конкурсу юных чытальнікаў сярод вучняў 7 і 8 класаў з усіх школ краіны. Да ўдзелу ў конкурсе ўжо прынята некалькі сотняў прац, у тым ліку і ад вучняў з Брэста і Брэсцкай вобласці.

Школьнікі Брэсцкай вобласці праявілі сябе ў рэспубліканскім конкурсе «Чытаем па-беларуску з velcom»


Да 30 лістапада ўдзельнікі конкурсу «Чытаем па-беларуску з velcom» запісваюць відэа, дзе яны чытаюць твор са школьнай праграмы па беларускай літаратуры. Затым рабяты размяшчаюць відэазапіс на асабістай старонцы ў Facebook, Вконтакте або Instagram c афіцыйнымі хэштэгамі праекта #чытаемзвэлком або #чытаемзvelcom. Мэта праекта – адкрыць для вучняў свет беларускай літаратуры па-новаму, а таксама выкарыстаць магчымасці сацыяльных сетак для адукацыі.

Школьнікі з Брэста і Брэсцкай вобласці прымаюць актыўны ўдзел у ініцыятыве. Ніжэй некаторыя з прац:



Баброва Ангеліна з горада Камянец для ўдзелу ў конкурсе даслала відэа з байкай Кандрата Крапівы «Мурашка і жук».



Аліна Андрэйчук з Брэста абрала для чытання твор Анатоля Вярцінскага «Жыццё даецца, каб жыццё тварыць».



Раман Шульжык са Столінскага раёна выканаў верш Якуба Коласа «Зорка».



Іван Валанчус з Пружанаў прачытаў вельмі кранальны і праніклівы верш Сяргея Грахоўскага «Мама».



Зміцер Барэйка з Кобрына чытае твор Якуба Коласа «Ручэй».



На першым этапе праекта будуць вызначаны па 30 лепшых канкурсантаў з кожнай вобласці і г. Мінска. З лютага па красавік 2018 года пройдуць рэгіянальныя фіналы, дзе чытальнікі будуць выступаць перад журы ўжывую. Пяцёра лепшых ад кожнага рэгіёну будуць узнагароджаны сучаснымі смартфонамі і атрымаюць магчымасць пазмагацца за перамогу ў вялікім рэспубліканскім фінале. Ён пройдзе ў Мінску ў траўні 2018 г., пераможцам конкурсу будуць уручаны смарфтоны маркі Apple.
» » Школьнікі Брэсцкай вобласці праявілі сябе ў рэспубліканскім конкурсе «Чытаем па-беларуску з velcom»